شکارپور(نیوزڈیسک ئی)شکارپورمیں مسلم لیگ ن کے سینیئررہنماﺅں اورسابق صدورکا 5 اکتوبرکوورکرزکنونشن کے دوران ظفراقبال جھگڑاکے سامنے دھرنادینے کا اعلان، شکارپورمیں کرپٹ شخص کوضلعی صدرمنتخب کرکے پارٹی کے کمرمیں خنجرگھونپاگیاہے،رہنماﺅں کاپریس کانفرنس،تفصیلات کے مطابق پاکستان مسلم لیگ ن شکارپورضلع کے سینیئرورکروں اورسرگرم رہنماﺅں سمیت سابق صدوردیوان بول چندکی قیادت میں محمدصدیق بروہی ،علی احمدملک ،ہادی بحش راجڑ،پریم چند،گداحسین سومرو،اصغرآرائیں ،آصف میرانی،عبدالغفارملک، ہریش کمارودیگرنے پریس کانفرنس کرتے ہوئے کہاہےکہ مسلم لیگ ن سندھ کی طرف سے 5 اکتوبرکو شکارپورمیں منعقدہونے والی ورکرزکنونشن کے دوران مسلم لیگ ن کے مرکزی سیکریٹری جنرل ظفراقبال جھگڑااورمحمداسماعیل راہوسمیت مرکزی وصوبائی قیادت کے سامنے احتجاجی دھرنادینگے ،انہوں نے کہاہے کہ شکارپورمیں اہم پرخلوص ضلعی عہدیداروں کوہٹاکرایک کرپٹ شخص کوضلعی صدرمنتخب کرکے پارٹی کے کمرمیں خنجرگھونپاگیاہے اس لیے یہاں کے ورکروں میں سخت بے چینی پھیلی ہوئی ہے ہم سینکڑوں ورکروں نے یہ حتمی فیصلہ کیاہے کہ پانچ اکتوبر کوظفراقبال جھگڑاکے سامنے اپنے جائزمطالبات کے حل اورناجائزفیصلوں کے خلاف احتجاج کرینگے،جس کے لیے تیاریاں مکمل کرلی گئی ہیں ،وزیراعظم نوازشریف ہمارے ساتھ انصاف کروائیںتاکہ بے چینی کاخاتمہ ہوجائے۔