دی لیکن الیکشن ٹریبونل نے ان کی عذرداری منظور کی، جہاں 11 اکتوبر کو ضمنی انتخاب ہوگا۔ عمران خان اور دیگر تین میں قدر مشترک یہ ہے کہ کرکٹ ان کو آپس میں قریب لائی۔ یہ لاہور میں کرکٹ کھیلتے رہے۔ بعد میں عمران خان دُنیا کے عظیم آل رائونڈر اور 1992ء کی ورلڈ کپ فاتح پاکستان ٹیم کے کپتان رہے۔ عمران خان شریف برادران پر ہمیشہ امپائرز کی ملی بھگت سے فکسڈ میچ کھیلنے کا الزام لگاتے رہے ہیں، لیکن فوج اور رینجرز کی موجودگی میں اس سیاسی میچ میں عمران خان کو ’’تھرڈ امپائر‘‘ کی خدمات بھی حاصل ہیں۔ کئی بار حتیٰ کہ نیوٹرل امپائرز نے 2013ء کے انتخابات میں اور جوڈیشیل کمیشن نے انہیں مایوس کیا۔ این اے۔122 پر ضمنی انتخاب روایتی ووٹ بینک اور نوجوانوں و خواتین کے مخلوط ووٹ بینک کے درمیان مقابلہ ہوگا۔ کیا عمران خان روایت توڑ سکیں گے۔ جب این اے۔122 پر ضمنی انتخاب کے نتیجے کا اعلان ہوگا تو مسلم لیگ (ن) 12 اکتوبر کو 1999ء میں اس کی حکومت کا تختہ اُلٹے جانے پر یوم سیاہ منا رہی ہوگی۔ عمران خان نے اس وقت فوجی انقلاب اور پرویز مشرف کی حمایت کی تھی۔