کی مگر استعفوں کے معاملے پر بات نہیں کی، اس کا یہی مطلب تھا کہ وہ استعفیٰ نہیں دینا چاہ رہے۔ عمران خان اگر استعفیٰ دینا چاہتے تو میرے پاس آتے میں منظور کر لیتا۔ میں نے دو بار تحریک انصاف والوں کو بلایا مگر وہ نہیں آئے، دوسری بار آکر لائونج میں بیٹھ گئے ۔ پی ٹی آئی اراکین کے استعفے رکوانے کے لئے درپردہ رابطوں پر سابق اسپیکر کا کہنا تھا کہ کچھ باتوں کو پردے میں رہنے دیا جائے تو بہتر ہے۔ انہوں نے بتایا کہ میں نے ایم کیو ایم کے استعفوں کو پراسس میں ڈالا تھا، اس معاملے میں عدالت کی واضح ہدایات موجود ہیں کہ استعفے احتجاجاً نہیں ہونے چاہئیںجبکہ ایم کیو ایم نے اپنے استعفوں میں لکھا کہ یہ استعفے احتجاجاً دیئے جا رہے ہیں ۔ ایم کیو ایم کے اراکین اب بھی قومی اسمبلی اور سینیٹ کے ممبر ہیں۔ سپریم کورٹ کے فیصلوں کی روشنی میں ایم کیو ایم کے استعفے منظور نہیں ہو سکتے۔ ایاز صادق نے کہا کہ حکومت کے تعاون ہی سے فوج نے کارروائی کی۔ طالبان سے مذاکرات کے فیصلے میں بشمول عمران خان بہت سی جماعتوں کا ہاتھ تھا، میں خود حیران تھا کہ بچوں، قاتلوں اور مساجد پر حملے کرنے والوں سے کیا مذاکرات ہو سکتے ہیں؟۔ لوگ سمجھتے ہیں کہ چین کے نوازشریف پر اعتماد کی وجہ سے پہلی بار اربوں ڈالر کی سرمایہ کاری پاکستان میں آرہی ہے۔ پاک چین اقتصادی راہداری منصوبے پر سب سے مشاورت ہو رہی ہے، قومی اسمبلی کی کمیٹی بھی قائم ہو چکی ہے۔