لاہور(نیوزڈیسک)صوبائی وزیر تعلیم رانا مشہود احمد خان نے چیئرمین نیب قمر زمان چوہدری کو ڈی جی نیب پنجاب میجر (ر) سید برہان علی کیخلاف خط ارسال کر دیا ۔ رانا مشہود کی طرف سے ارسال کئے جانے والے خط میں کہا گیا ہے کہ ڈی جی نیب پنجاب ذاتیات پر اتر آئے ہیں۔مجھے کوئی نوٹس ملا اور نہ ہی شامل تفتیش ہونے کا کہا گیا پھر ڈی جی نیب کس بنیاد پر مہم جاری رکھے ہوئے ہیں ۔خط میں استفسار کیا گیا ہے کہ کیا نیب رولز اجازت دیتے ہیں کہ بغیر ثبوت کے کسی کو چارج شیٹ کیا جائے ۔ خط میں کہا گیا کہ اس مہم کے ذریعے میری شہرت کو نقصان پہنچایاگیا ہے اور میں اس پر قانونی چارہ جوئی کا حق رکھتا ہوں