شکار پور(نیوز ڈیسک) شکار پور میں کچے کے علاقے میں پولیس مقابلے میں تین ڈاکو ہلاک جب کہ ایک پولیس اہلکار بھی شہید ہو گیا اور دو ڈاکووں کو زخمی حالت میں گرفتار کر لیا گیا۔ اطلاعات کے مطابق شکار پور میں کچے کے علاقے مدیجی میں پولیس اور ڈاکووں کے درمیان مقابلہ ہوا جس میں دونوں جانب سے فائرنگ کا تبادلہ کیا گیا۔ فائرنگ کے تبادلے میں دو ڈاکو زخمی حالت میں گرفتار کر لئے گئے جب کہ تین داکو مارے گئے۔ فائرنگ کے تبادلے میں ایک پولیس اہلکار شہید ہو گیا۔ ہلاک ہونے والے ڈاکووں اور پولیس اہلکار کی لاش کو ہسپتال منتقل کر دیا گیا ہے