ماسکو (نیوزڈیسک)روس کے اعلان سے عرب ممالک پریشان،تفصیلات کے مطابق روس آئندہ دو دہائیوں کے دوران خام تیل کی پیداوارمیں ایک تہائی اضافہ کرے گا۔روسی میڈیا کے مطابق یہ بات روزنیفٹ کے چیف ایگزیکٹو ایگور سیچن نے ایسٹرن اکنامک فورم کے دوران بتائی۔ انہوں نے کہا کہ مستقبل میں روس کی خام تیل کی یومیہ پیداوار700 ملین ٹن(14ملین بیرل) یومیہ تک پہنچ سکتی ہے۔ انہوں نے کہا کہ ہدف کو حاصل کرنے اور11ملین بیرل یومیہ پیداوار کا ریکارڈ توڑنے کیلئے تیل کے نئے ذخائر دریافت اور آرکٹک میں کام کی رفتار کو تیز کرنا ہوگا۔ انہوں نے کہا کہ چین کو قدرتی گیس کی فراہمی 300 بلین کیوبک میٹر سالانہ تک بڑھائی جاسکتی ہے۔ یاد رہے کہ روس کی تیل کی یومیہ پیداوار10.7 ملین بیرل یومیہ ہے۔واضح رہے کہ عرب ممالک کی آمدن کا زیادہ تر انحصار تیل کی برآمدات پر ہے اور روس کی جانب سے تیل کی پیداوارمیں ایک تہائی اضافہ سے عالمی سطح پر عرب ممالک کی برآمدات کو شدید نقصان پہنچے گا۔دریں اثناءسعودی عرب نے کہاہے کہ تیل کی قیمتوں میں کمی کی وجہ سے خسارہ کم کرنے کے لیے وہ اپنے اخراجات کو کم کرنے پر غور کر رہا ہے۔سعودی عرب کے وزیرِ خزانہ ابراہیم ال آصف نے اتوار کو دوبئی میں ذرائع ابلاغ کو دیے گئے انٹرویو میں کہا کہ خسارے میں کمی کے لیے صحت اور تعلیم کے شعبے کے بجٹ میں کٹوتیاں نہیں کی جائیں گی۔سعودی وزیر خزانہ نے اخراجات میں کمی کی تفصیلات نہیں بتائیں لیکن ا±ن کا کہنا تھا کہ ایسے منصوبے جو کئی سال قبل منظور ہوئے تھے لیکن ا±ن پر کام شروع نہیں ہو سکا، انھیں بھی کچھ عرصے کے لیے موخر کر دیا جائے گا۔انھوں نے کہا کہ حکومت اخراجات اور آمدن میں خسارے کے فرق کو کم کرنے کے لیے بانڈ جاری کرے گی۔انہوں نے بتایاکہ ملک کا خسارہ 39 ارب ڈالر تک پہنچ گیا ہے جبکہ عالمی مالیاتی ادارے آئی ایم ایف کے مطابق سعودی عرب کا خسارہ اس سے کہیں زیادہ ہے۔آئی ایم ایف کے مطابق سعودی عرب کا خسارہ ا±س کی خام ملکی پیداوار کے 20 فیصد ہے جبکہ سعودی انویسمنٹ کمپنی ’جدوا‘ کے مطابق ملکی خسارہ 109 ارب ڈالر ہے،عالمی مارکیٹ میں تیل کی قیمیوں میں کمی کی وجہ سے سعودی عرب کی آمدن کم ہوئی ہے اور اخراجات پورے کرنے کے لیے وہ اپنے زرمبادلہ کے ذخائر سے رقم خرچ کر رہا ہے۔یاد رہے کہ عالمی مارکیٹ میں خام تیل قیمت کم ہو کر 50 ڈالر فی بیرل پر آ گئی ہے۔