اسلام آباد(آن لائن) پاکستان میں دو درجن سے زائد بین الاقوامی تنظیمیں این او سی کے بغیر کام کر رہی ہیں پاکستان میں این جی اوز کلچر 2005 میں کے پی کے اور کشمیر میں آنے والے قیامت خیز زلزلے کے بعد پروان چڑھا ایک رپورٹ کے مطابق زلزلے کے دوران اس وقت کی حکومت نے انہیں کسی تحقیق کے بغیر محض رسمی کارروائی کر کے مکمل طور پر آزاد چھوڑ دیا ۔ چنانچہ غیر ملکی حکومتوں نے ان کی آڑ میں اپنے مقاصد کی تکمیل کی 2010 کے سیلاب اور تھر کے قحط کے بعد این جی اوز کی تعداد اتنی زیادہ ہو گئی کہ انہیں سنبھالنا مشکل ہو گیا۔