اسلام آباد(مانیٹرنگ ڈیسک) مسلم لیگ(ن) کے رہنماءایازصادق نے کہاہے کہ میں اورعمران خان تیسری اورچوتھی جماعت سے کلاس فیلوتھے اورمیرے اچھے دوست ہیں ۔انہوں نے میڈیاسے گفتگوکرتے ہوئے کہاکہ ایک دن ہاکی گراﺅنڈمیں میری ہاکی عمران خان کولگ گئی اورمیں نے سمجھاکہ عمران احمد نیازی اس معاملے کوبھول گئے ہونگے لیکن پچاس سال کے بعد میں نے سوچابھی نہیں تھاکہ انہوں نے یہ بات دل میں رکھی ۔عمران خان نے جب 1997میں تحریک انصاف کی بنیاد رکھی توایازصادق اس کے بانی رکن تھے جس کے بعد سردارایازصادق تحریک انصاف کوچھوڑکرپاکستان مسلم لیگ(ن) میں شامل ہوگئے اوراین اے 122میں عمران خان کے مقابلے میں الیکشن لڑااورجس پرعمران خان نے الیکشن ٹربیونل سے رجوع کرکے سردارایازصادق کونااہل قرارپائے۔
.عمران خان کو دو بار انتخابات میں شکست دینے والے ایاز صادق عمران خان کے بچپن کے دوست تھے۔ ایاز صادق نے اپنے سیاسی کریئر کا آغاز بھی تحریک انصاف سے کیا تھا۔ کبھی ہم میں تم میں چاہ تھی ،کبھی ہم میں تم میں بھی راہ تھی،کبھی ہم بھی تھے آشنا تمہیں یاد ہو کہ نہ یادہو۔ آج ایک دوسرے کے آمنے سامنے ،سیاسی اختلاف لیکن ہمیشہ سے ایسا نہیں تھا۔ سردار ایاز صادق اور عمران خان کبھی اسکول اور کالج میں ساتھ ساتھ تھے ،یہ وقت تھا انیس سو ساٹھ کا اور ایاز صادق عمران خان کے جونیئرتھے۔ شاید اسکول اور کالج کی یہی دوستی تھی جس کے باعث ایاز صادق نے انیس سو چھیانوے میں پاکستان تحریک انصاف میں شمولیت اختیار کی اور 1997 میں پی ٹی آئی کے ٹکٹ پر الیکشن لڑا لیکن پھر دوستی میں دراڑیں آنا شروع ہو گئیں ۔ ایاز صادق نے انیس سو اٹھانوے میں اپنے دوست عمران خان سے اختلافات کے باعث تحریک انصاف سے علیحدگی اختیار کر لی۔ ایاز صادق مسلم لیگ کے ٹکٹ پر اپنے پرانے دوست عمران خان کو دو بار انتخابات میں شکست کا مزہ چکھا چکے ہیں۔