اسلام آباد( مانیٹرنگ ڈیس) پاک بھارت مذاکرات جب بھی ہونگے کشمیر کا مسئلہ بات چیت کا حصہ ہوگا ، وزیر اطلاعات پرویز رشید نے نجی ٹی وی سے گفتگو کرتے ہوئے کہا کہ سرتاج صاحب بوریا بستر باند ھ کر بیٹھے ہیں ، فائلیں تیار ہیں، دنیا میں ایسے کونسے مذاکرات ہیں جہاں مہمانوں سے ملاقات پر پابندی لگائی گئی ہو ، بات چیت کے زریعے ہی معاملات کو حل کرنا ہوگا ، پرویز رشید نے کہا کہ اگر بھارت کو دہشت گردی پر بات کرسکتا ہے تو تو پاکستان کو بھی بات کرنے کا حق حاصل ہے ، اگر بھارت عین موقع پر مذاکرات ختم نہیں کرتا تو سرتاج عزیز صاحب مذاکرات کیلئے بھار ت ضرور جائیں گے ، بھارت اپنے موقف پر ڈتا رہتا ہے تو عالمی دنیا میں شرمندگی کا سامنا بھی انہیں کرنا پڑے گا اور جواب دینا ہوگا کہ کیوں مذاکرات ختم کیے ، وزیر اطلاعات نے کہا کہ مذاکرات میں ہمیشہ سرکریک ، سیاچن ، دہشت گردی کے مسائل کو شامل کیا جاتا رہا ہے اور کشمیر کا مسئلہ بھی اسی طرح بات چیت کا حصہ رہا ہے ، بھارت سے توقع کرتے ہیں وہ ہماری عزت و قار کا خیال رکھے گا ، حلقہ این اے 144کے بارے میں پوچھے گئے سوال کے جواب میں پرویز رشید نے کہا کہ عدالتی کمیشن نے تو یہی بتایا ہے کہ آج فیصلہ دے دیں گے، ن لیگ ہر طرح کے فیصلے کو تسلیم کرتے ہوئے قانونی و آئینی حدود کا خیال رکھے گی ۔