پشاور(نیوزڈیسک)پی ٹی آئی نے عام انتخابات کی تیاری کرلی ،یراعلیٰ خیبر پختونخواپرویز خٹک کاانکشاف ،کہتے ہیں پی ٹی آئی آئندہ انتخابات میں صوبے کی تمام صوبائی اور قومی نشستوں پر مقابلہ کرے گی انہوںنے کہا ہے کہ صوبے میں پی ٹی آئی کی اتحادی حکومت ایک ایسے صاف و شفاف نظام کے تحت چل رہی ہے جس سے لوگوں کو اپنا حق اور انصاف آسانی کے ساتھ مل رہا ہے ۔ پی ٹی آئی کے ایجنڈے کے مطابق صوبائی حکومت کے بیشتر اختیارات اور وسائل نچلی سطح پر عوام کو منتقل کردیئے گئے ہیں اور بلدیاتی ادارے خود مختار طریقے سے اپنے فرائض انجام دیں گے اور ایسے قواعد وضع کئے گئے ہیں کہ اُن کے کام میں صوبائی حکومت مداخلت نہیں کرسکے گی وہ سول سیکرٹریٹ میں پی ٹی آئی لوئر دےر کے رہنما فخر زمان کی قیادت میں اوچ، ضلع دیر کے 20 رکنی وفدسے گفتگو کر رہے تھے وفد میںسابق رکن صوبائی اسمبلی حاجی سلطنت خان اور اوچ سے تعلق رکھنے والے نومنتخب بلدیاتی کونسلرز، سیاسی و سماجی رہنما، وکلائ، پی ٹی آئی کے ضلعی و یوتھ ونگ کے عہدیداراور پی ٹی آئی میں شمولیت اختیار کرنے والے رہنما شامل تھے نوشہرہ سے نو منتخب رکن ضلع کونسل لیاقت خٹک بھی اس موقع پر موجود تھے وزیراعلیٰ پرویز خٹک نے کونسلروں پر زور دیا کہ وہ ترقیاتی سکیمیںمنتخب کرتے وقت اپنے ذاتی اور سیاسی فائدے کو نہیں بلکہ عوام اور خصوصاً غریبوں کے مفاد کو مدنظر رکھیں انہوں نے کہاکہ عوامی نمائندوں کیلئے ووٹ کے بجائے علاقے کی ترقی اور غریبوں کی فلاح کی سوچ مقدم ہونی چاہیئے وزیراعلیٰ نے کہا کہ پی ٹی آئی آئندہ انتخابات میں صوبے کی تمام صوبائی اور قومی نشستوں پر مقابلہ کرے گی اور پی ٹی آئی کی موجودہ حکومت پر عوام کے بڑھتے ہوئے اعتماد کے پیش نظر ہمیں یقین ہے کہ پی ٹی آئی آئندہ انتخابات میں بھی آسانی کے ساتھ غالب اکثریت حاصل کرے گی انہوں نے حالیہ بلدیاتی انتخابات میں دیر میں پی ٹی آئی کے اُمیدواروں کی کامیابی پر ضلعی اور دیگر عہدیداروں کو خراج تحسین پیش کرتے ہوئے کہاکہ دیر کے مسائل پر زیادہ توجہ دی جائے گی اور وہ خود عمران خان کے ہمراہ دیر کا دورہ کرکے پارٹی کے ورکروں کی توقعات پوری کریں گے وزیراعلیٰ نے اس موقع پر اوچ سے چکدرہ تک بائی پاس روڈ تعمیر کرنے اور سیاحت کے فروغ کے اقدامات کی یقین دہانی بھی کرائی ۔