اسلام آباد (مانیٹرنگ ڈیسک)پاکستان مسلم لیگ نواز کے دانیال عزیز نے خیبر پختونخواہ حکومت کو بری طرح دھو ڈالا، نجی ٹی وی چینل کے مطابق دانیال عزیز نے کے پی کے حکومت کو بری طرح تنقید کا نشانہ بناتے ہوئے کہا کہ حکومت بری طرح پٹ چکی ہے اور اس نے کرپشن کے ریکارڈ توڑنے کا ریکارڈ قائم کر دیا ہے ۔ ان کا کہنا تھا کہ مختلف منصوبوں کے نام پر بے انتہا رقم صرف اور صرف اپنی ذاتی عیاشیوں پر خرچ کی گئی ، ہمیں بتایا جائے کہ 2014 کے زیر تعمیر منصوبوں کے بارے میں بتایا جائے جن کا اب کہیں نام و نشان ہی نہیں ملتا ۔ہائڈرل فنڈ کی مد میں 563 ملین نکلوائے گئے جن میں سے 548 ملین خرچ ہی نہیں کئے گئے اور ہائڈرل فنڈ کے 25 ارب روپے سے اسٹاک مارکیٹ میں سٹہ کھیلاگیا ، بجلی کے نام پر 363 ارب روپے کا گھپلا سامنے آیا اور حد ہے کہ کے پی کے میں ایک میگا واٹ 26 لاکھ ڈالر کا بنایا جا رہا ہے جبکہ جنگلات کی چوری اور دوسرے بڑے گھپلے اس سے الگ ہیں انہوں نے نے کہا کہ کے پی کے حکومت عوام کی توقعات پر پوری نہیں اتری جس کا انہیں جواب دینا ہوگا۔