اسلام آباد(نیوز ڈیسک)بحریہ ٹاﺅن کے خلاف سپریم کورٹ کے حکم پر ایئرپورٹ پولیس نے لوئی بیر پولیس اسٹیشن میں اغوا اور دھمکانے کا مقدمہ درج کرلیا ہے۔ محکمہ جنگلات کے عہدیدار جمیل احمد کی جانب سے 2005ئ میں بحریہ ٹاو¿ن کے چیئرمین کے خلاف دی جانے والی درخواست پر یہ مقدمہ درج کیا گیا ہے۔ مقدمہ پاکستان پینل کورڈ کی دفعہ 353،382،365،148،186،149،506،440 اور 447 کے تحت درج کیا گیا ہے۔ دس سال قبل 11 اکتوبر 2005ءکو پولیس کو پیش کی جانے والی درخواست میں مو¿قف اختیار کیا گیا تھا کہ بحریہ ٹاﺅن کی انتظامیہ کے سربراہ ریٹائرڈ کیپٹن شاہد نے حبیب رفیق نامی تعمیراتی کمپنی کے مسلح گارڈز کے ساتھ لوئی بیر کے جنگلات کی سرکاری زمین پر قبضے کی کوشش کی تھی، ابتدائی طور پر وہ مسلح گارڈز اور بھاری مشنری کے ساتھ درختوں کی کٹائی کے لیے آئے تھے۔ حکام کے مطابق بحریہ ٹاﺅن کے ملازمین نے 24 اکتوبر 2005 کو درختوں کی کٹائی اور زمین پر قبضہ کرنے کی دوبارہ کوشش کی تھی اور محکمہ جنگلات کے ملازمین کی جانب سے ان کو روکے جانے پر انھوں نے ملازمین کو سنگین نتائج کی دھمکیاں دی۔ جمیل نے درخواست میں مو¿قف اختیار کیا ہے کہ 25 اکتوبر 2005 کو مذکورہ افراد مزید بھاری مشنری کے ساتھ ا?ئے اور محکمہ جنگلات کی جانب سے تعمیر کی گئی باڑ کو توڑ دیا۔ محکمہ جنگلات کے ملازمین کی جانب سے مذاہمت کی گئی جس پر بحریہ ٹاو¿ن کے مبینہ ملازم احمد نے محکمہ جنگلات کے عہدیداروں چوہدری بشیر احمد، اور سردار فدا حسین کو اغوا کرلیا اور 2 گھنٹے تک تشدد کا نشانہ بنایا۔ کیپٹل پولیس کے سینئر افسر نے بتایا ہے کہ سپریم کورٹ کے حکم پر مقدمہ درج کرلیا گیا ہے اور تحقیقات شروع کردی گئی ہیں۔