کراچی (نیوزڈیسک)کراچی میں پولیس سٹیشن سے پولیس افسران کے قتل کا ملزم سپیشل پارٹی کے سونے کا فائدہ اٹھا کر فرار ہو گیا ، ملزم کی تلاش کے لئے چھاپے مارے جا رہے ہیں۔ شہر قائد کے مبینہ ٹائون پولیس سٹیشن سے پولیس افسران کے قتل کا ملزم فرار ہوگیا ۔ ملزم ریحان بنگالی کو سرجانی ٹائون سے گرفتار کیا گیا تھا ۔ پولیس کی سپیشل پارٹی سوتی رہی جس کا فائدہ اٹھا کر ملزم فرار ہوگیا ۔
ملزم اغواء برائے تاوان کی وارداتوں میں بھی ملوث ہے ۔ اس سے قتل سمیت دیگر مقدمات کی تفتیش کی جا رہی تھی ۔ مفرور ملزم کی تلاش میں چھاپے مارے جا رہے ہیں جبکہ غفلت و لاپرواہی برتنے پر پولیس کی سپیشل پارٹی میں شامل اہلکاروں کے خلاف کارروائی کی جا رہی ہے۔