پشاور(نیوزڈیسک)قومی احتساب بیورو خیبر پختونخوا نے سیاسی بنیادوں پر بھرتیوں اور خورد برد کی شکایات پر عبد الولی خان یونیورسٹی مردان پر چھاپہ مار کر تمام ریکارد قبضے میںلے لیا ریکارڈ کی چھان بین اور انکوائری مکمل ہونے پر گرفتاریاں عمل میں لائی جائیں گی ذرائع کے مطابق نیب خیبر پختونخوا نے مختلف ذرائع سے موصولہ شکایات کی روشنی میں مردان میں عبدالولی خان یونیورسٹی پر چھاپہ مارا اور یونیورسٹی کا تمام ریکارڈ قبضے میںلے لیا یونیورسٹی میں سابق دور حکومت میں سیاسی بنیادوں پر بھرتیوں سمیت فنڈز میںخورد برد کے الزامات ہیں جس کی روشنی میں چھاپہ مارا گیا ریکارڈ کی چھان بین اور انکوائری مکمل ہونے پر کرپشن کے ثبوت ملنے پر گرفتاریاں عمل میں لائی جائیں گی ۔