اسلام آباد(نیوز ڈیسک)ملک کے مختلف علاقوں میں کہیں باران رحمت ہوئی اور کہیں سورج آگ برستا رہا ، راولپنڈی ، اسلام آباد میںگزشتہ علی الصبح ہونے والی بارش نے موسم خوشگوار بنا دیا ، آئندہ چوبیس گھنٹے میں بادل برس سکتے ہیں۔ملک کے بیشتر حصوں میں موسم مختلف رنگ بدلتا نظر آیا ، وفاقی دار الحکومت میںبدھ کی علی الصبح ہونے والی بارش نے موسم خوشگوار بنا دیا ، جڑواں شہروں راولپنڈی ، اسلام آباد میں بادلوں نے سائبان تان رکھا ہے۔ موسم کا حال بتانے والوں کا کہنا ہے کہ راولپنڈی اسلام آباد میںمزید بارش ہو سکتی ہے۔ لاہور میں موسم ابر آلود رہاجبکہ شہر میں کہیں کہیں ہلکی بوندا باندی بھیہو ئی ۔ موسم قدرے بہتر رہے گا اور گرمی کی شدت میں کمی واقع ہوگی۔ پشاور اور گردونواح میں موسم جزوی طور پر ابرآلود رہے گا تاہم گرمی کی شدت برقرار رہے گی۔ کراچی سمیت اندرون شہر بارش کا امکان ہے۔ بحیرہ عرب میں ہوا کے کم دباو سے شہر قائد اور اندرون سندھ بادل اپنا رنگ جما سکتے ہیں۔ دوسری طرف بلوچستان کے اکثر علا قے ہر گزرتے دن کے ساتھ مسلسل گرمی کی لپیٹ میں ہیں۔