بدین(نیوزڈیسک)بدین کی مقامی عدالت نے سابق وزیرداخلہ ڈاکٹر ذوالفقار مرزا اور ان کے 107 ساتھیوں کی بدین کے مختلف تھانوں میں قائم 7 مقدمات میں مستقل ضمانت منظور کر لی۔ڈاکڑ ذوالفقار مرزا اپنے ساتھیوں کے ہمراہ سیشن جج بدین کی عدالت میں پیش ہوئے ان کے وکلا کی جانب سے دی گئی درخواست ضمانت کو عدالت نے منظورکرلیا۔روانگی سے قبل ڈاکٹر ذوالفقارمرزا نے صحافیوں سے مختصر گفتگو کرتے ہوئے کہا کہ بلاول بھٹوکی پاکستان واپسی پر خوشی ہوئی ہے امید ہے بلاول بھٹو نے جس طرح اپنی سیاست کا آغاز کیا تھا اسی کو جاری رکھتے ہوئے اپنے شہید نانا اورشہید والدہ کے نقش قدم پرچلیں گے اور اپنے والد کی طرح غریب عوام سے روٹی کپڑا اورمکان نہیں چھینےں گے اور کرپشن کے خلاف آواز بلند کرتے ہوئے کریش میں ملوث افراد کے خلاف کاروائی کریں گے۔ انہوں نے کہا بختاوربھٹومیری بیٹی ہے اگر وہ شہید بھٹو اور شہید بی بی کی سیاست کریں گی تو وہ ان کی ہر مدد کریں گے۔