اسلام آباد(نیوز ڈیسک) پبلک اکاﺅنٹس کمیٹی نے 20‘ 20 سالوں تک عدالتوں میں سرکاری محکموں کے کیس زیر التواءرہنے پر شدید برہمی کا اظہار کرتے ہوئے متعلقہ حکام کو ہدایت کی ہے کہ تمام عدالتی معاملات کو جلد از جلد ختم کیا جائے۔ پبلک اکاﺅنٹس کمیٹی کی ذیلی کمیٹی کا اجلاس کنونیر شاہدہ اختر علی کی صدارت میں پارلیمنٹ ہاﺅس میں منعقد ہوا۔ اجلاس میں نیشنل کنسٹرکشن کمپنی کے بند ہو جانے کے باوجود کمپنی کے اکاﺅنٹس آڈٹ کو فراہم نہ کرنے اور کمپنی کے حساب کتاب کرنے کیلئے مقررہ شخص کی جانب سے مراعات سے لطف اندوز ہونے بارے آڈٹ رپورٹ پر سیکرٹری نے بتایا کہ کمپنی کو بند ہوئے 20 سال ہو چکے ہیں اور کیس عدالتوں میں زیر سماعت ہیں انہون نے کہا کہ چونکہ عدالت سے کوئی فیصلہ نہیں آیا ہے اس کی وجہ سے اب کمپنی کے سینئر ہولڈرز کی جنرل میٹنگ میں فیصلہ کریں گے جس پر کمیٹی کے رکن میاں عبدالمنان نے کہا کہ ہمارے ملک کی بدقسمتی ہے کہ کمپنی گزشتہ 20 سالوں سے مردہ ہے مگر لیکویڈیٹر اس کو نوچ کر کھا رہے ہیں کمپنی کے وکلاءتنخواہ کمپنی سے لیتے ہیں مگر مخالف فریق سے مراعات لیکر کیس کو عشروں تک کھینچتے ہیں۔ انہوں نے کمپنی کے لکویڈیٹر کو فوری طور ہٹانے اور اینول جنرل میٹنگ کر کے معاملات کو حل کرنے کی ہدایت کی۔ کمیٹی کو بریفنگ دیتے ہوئے چیئرمین متروکہ وقف املاک صدیق الفاروق نے کہا کہ مٹروکہ وقف املاک میں کرپشن‘ مقدمے بازیان‘ کیپسٹی بلڈنگ اور زائد سٹاف کے مسائل کا سامنا ہے 45 سالہ پرانا کیس آج تک عدالتوں میں گردش کر رہا ہے ملک میں ججز کی کمی کی وجہ سے مقدمات عشروں تک عدالتوں میں زیر التواءرہتے ہیں اگر پارلیمنٹ اس سلسلے میں مناسب قانون سازی کرے تو بہت بہتر ہو گا کمیٹی نے متروکہ وقف املاک کے عدالتوں میں چلنے والے مقدمات کو جلد از جلد نمٹانے کی ہدایت کی۔
عدالتی معاملات کو جلد از جلد ختم کیا جائے، پی اے سی
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































