کراچی (نیوز ڈیسک)قومی اسمبلی کے حلقہ این اے 246کے امید وار اور تحریک انصاف کے رہنما عمران اسماعیل نے کہاہے کہ گزشتہ روز ریلی کے موقع پر متحدہ قومی موومنٹ کے کارکن کنٹرول میں تھے اور وہ حملہ آوروں کور وک رہے تھے۔میڈیا سے گفتگو کرتے ہوئے عمران اسماعیل نے کہاکہ ایم کیوایم کی رابطہ کمیٹی نے بہت اچھے رویے کا مظاہرہ کیا ،الیکشن میں حصہ لینا ہر سیاسی جماعت کا حق ہے اور ایم کیوایم اپنی اور میں اپنی انتخابی مہم چلا رہا ہو ں۔انہوں نے کہا کہ جناح گراونڈ کے داخلی و خارجی راستے بہت تنگ ہیں اس لیے اگر جناح گراونڈ سے بہتر جگہ ملی تو وہاں جلسہ کریں گے۔