نئی دلی(نیوزڈیسک) وزیر اعظم نواز شریف کی ہدایت پر پاکستان کاخصوصی طیارہ یمن سے لائے گئے بھارتیوں کو لیکر نئی دلی پہنچ گیا۔تفصیلات کے مطابق یمن میں پھنسے 11بھارتی پاک بحریہ کے جہاز پی این ایس اصلت سے پاکستان پہنچے تھے جن کو وزیراعظم نواز شریف نے خصوصی طیارے کے ذریعے بھارت پہنچانے کا حکم دیا تھا جس پر پی آئی اے کا طیارہ 11بھارتیوں کو لے کر نئی دلی پہنچ گیا ہے جہاں ان کااستقبال پاکستانی ہائی کمشنر نے پھولوں کا گلدستہ دے کر کیا۔بھارتیوں کو ان کے وطن واپس پہنچا کر پاکستان نے اپنی ذمہ داری پو ری کر دی ہے۔نریندر مودی نے جذبہ خیر سگالی پر میاں نوازشریف کا شکریہ ادا کیا ہے اور وطن واپس پہنچنے والے بھارتیوں کو خوش آمدید کہا ہے۔