اسلام آباد ( نیوزڈیسک) پاک فوج کے شعبہ تعلقات عامہ کے مطابق آرمی چیف جنرل راحیل شریف نے خیبر ایجنسی میں اگلے مورچوں کا دورہ کیا اور خیبرآپریشن ٹو میں اب تک ہونے والی پیشرفت کا جائزہ لیا۔ جنرل راحیل شریف نے دہشتگردوں کیخلاف جاری آپریشن میں فوجیوں کی قربانیوں کو زبردست خراج تحسین پیش کرتے ہوئے کہا کہ پوری قوم پاک افواج کی قربانیوں کو انتہائی قدر کی نگاہ سے دیکھتی ہے۔ دہشتگردوں کیخلاف جاریآپریشن کو منطقی انجام تک پہنچایا جائے اورآپریشن کو اسی رفتار سے ہی جاری رکھا جائے۔آپریشن چیف کا کہنا تھا کہ دہشتگردوں کے مکمل خاتمے تک امن قائم نہیں ہو سکتا۔ اس موقع پر ا?رمی چیف کو بریفنگ دی گئی جس میں انھیں بتایا گیا کہ پاک افغان سرحدی علاقوں میں دہشتگردوں کیخلاف ا?پریشن کامیابی سے جاری ہے۔ خیبر ایجنسی میں اب تک 263 دہشتگرد ہلاک جبکہ متعدد ٹھکانے بھی تباہ کئے جا چکے ہیں۔ دہشتگردوں کو وادی تیراہ اور دیگر علاقوں میں کارروائیوں کے دوران ہلاک کیا گیا۔ خیبرآپریشن ٹو کے ا?غاز سے اب تک 35 جوانوں نے جام شہادت نوش کیا ہے۔ آئی ایس پی آر کے مطابق خیبر ایجنسی کا تمام علاقہ غیر ملکی ساخت کی بارودی سرنگوں سے بھرا پڑا ہے۔ پاک فوج کے سپیشل انجینئر یونٹ نے 392 سرنگوں کو ناکاراہ بنا دیا ہے۔ آئی ایس پی آر کے مطابق دہشتگردوں کیخلاف گھیرا تنگ کر دیا گیا ہے۔ کارروائیاں افغان بارڈرز کے قریبی علاقوں تک پہنچ چکی ہیں۔ دہشتگردوں کو کسی صورت بھی فرار نہیں ہونے دیا جائے گا۔