مچھ / بہاورلپور(نیوز ڈیسک)بلوچستان اور پنجاب کی مختلف جیلوں میں مزید 2 مجرموں کو تختہ دار پر لٹکا دیا گیا۔بلوچستان کی مچھ جیل میں قتل کے مجرم امیر حمزہ کو آج علی الصبح تختہ دار پر لٹکا گیا، مجرم نے 1995 میں معمولی تنازع پر ایک شخص کوقتل کردیا تھا۔ سبّی کی مقامی عدالت نے اسے 2004 میں موت کی سزا سنائی تھی۔ بلوچستان میں 7 سال بعد کسی بھی مجرم کو دی جانے والی یہ پہلی پھانسی ہے۔اس کے علاوہ بہاولپور کی سینٹرل جیل میں بھی حساس ادارے کے سابق ملازم سکندر کو تختہ دار پر لٹکایا گیا۔ سکندر کو اپنے ساتھی کے قتل کے جرم میں کورٹ مارشل کے بعد فوجی عدالت نے سزائے موت سنائی تھی۔واضح رہے کہ گزشتہ روز ساہیول اور لاہور میں 2 مجرموں کو تختہ دار پر لٹکایا گیا تھا۔