کراچی(نیوز ڈیسک) متحدہ قومی موومنٹ کے رہنماءحیدر عباس رضوی نے پریس کانفرنس کرتے ہوئے کہا ہے کہ پاکستان تحریک انصاف انتخابات سے راہ فرار چاہتی ہے کیونکہ انہیںاین اے 246 میں پولنگ ایجنٹ نہیں مل رہے تو یہ ووٹر کہاں سے لائیں گے۔حیدر عباس رضوی کی جانب سے کہا گیا ہے کہ تحریک انصاف کی جانب سے 200 سے زائد دن تک پورے پاکستان میں تماشہ لگایا گیا ۔انہوں نے سوال اٹھایا کہ تحریک انصاف کے نعرے تھے کہ وہ نواز شریف کا استعفیٰ لیں گے ، انتخابی اصلاحات کروائیں گے ، ملک میں تبدیلی لائیں گے اور سول نافرمانی کریں گے۔انہوں نے کہا کہ ان سب میں سے کچھ بھی نہیں ہوا اور اور یہ پارلیمنٹ میں واپس آ گئے ہیں تو عوام کو بتایا جائے کہ پارلیمنٹ میں واپسی کس ڈیل کے تحت کی گئی ہے۔انہوں نے مزید کہا کہ گزشتہ سال 12 اگست کو وزیر اعظم کی جانب سے جوڈیشل کمیشن بنانے کا اعلان کر دیا گیا تھا لیکن انہوں نے اس کے باوجود اسلام آباد میں دھرنا دیا گیا۔انہوں نے مزید کہا کہ اب قوم کو سچ بتانا ہو گا اور بتایا جائے ہ ڈیل کب اور کن شرائط پر ہوئی ہے۔

حیدر عباس رضوی کا کہنا تھا کہ ایم کیو ایم پر تحریک انصاف پر الزامات لگائے جا رہے ہیں اور ان جھوٹے مقدمات کے الزام میں ان کی جماعت ہتک عزت کا دعویٰ دائر کرے گی۔ این اے 246 سے ایم کیو ایم مسلسل 7 متربہ جیت چکی ہے اور اس مرتبہ بھی ایم کیو ایم کے امیدوار کنور نوید جمیل کو جتوانے کے لیے عوام ان کے ساتھ ہے ۔انہوں نے مزید بتایا کہ حلقے کے عوام کو 23 اپریل کا بے چینی سے انتظار ہے اور لوگ ایم کیو ایم کو بھاری اکثریت سے کامیاب کروائیں گے۔ انہوں نے مزید بتایا کہ ایم کیو ایم کی جانب سے الیکشن کمیشن کو دوخواست دائر کی گئی ہے کہ ایم اے 246 میں ضابطہ اخلاق کی پابندی کو یقینی بنایا جائے۔ متحدہ قومی موومنٹ کے رہنماءکا کہنا تھا کہ ایم کیو ایم حلقہ میں شفاف انتخابات چاہتی ہے لیکن تحریک انصاف کی جانب سے جھوٹے الزامات لگائے جا رہے ہیں۔انہوں نے بتایا کہ تحریک انصاف کے رہنماءفیصل واڈا کی جانب سے متحدہ کو تنقید کا نشانہ بنایا جا رہا ہے لیکن ان کی اپنی حیثیت برساتی مینڈک جیسی ہے۔انہوں نے مزید بتایا کہ تحریک انصاف جیسی سیکورٹی مانگ رہی ہے اسے ویسی ہی دی جائے گی لیکن اس کے باوجود تحریک انصاف کے امیدوار کی ضمانت ضبط ہونے جا رہی ہے۔حیدر عباس رضوی کا کہنا تھا کہ پی ٹی آئی کا منشور اشتعال انگیزی ہے لیکن اشتعال انگیزی ایم کیو ایم کو سوٹ نہیں کرتی۔