کراچی(نیوزڈیسک)الیکشن کمیشن سندھ کے مطابق تحریک انصاف نے ضمنی انتخابات 246کے لئے فوج یارینجرزکی تعیناتی کے لئے ابھی تک کوئی درخواست نہیں دی ۔ذرائع کے مطابق تحریک انصاف کے رہنماؤں نے 3اپریل کوریٹرننگ افسران کے اجلاس اور5اپریل کوکمشنرہاؤس میں ہونے والے اجلاس میں دعویٰ کیاتھا کہ ہم نے الیکشن کمیشن کودرخواست دے دی ہے کہ 23اپریل کواین اے 246کے ضمنی انتخابات میں فوج یارینجرزکی تعیناتی کی جائے تاہم اس سلسلے میں کوئی درخواست نہیں دی گئی ۔قائم مقام الیکشن کمشنر سندھ تنویرذکی کے مطابق تحریک انصاف کی جانب سے ضمنی انتخابات میں فوج کی تعیناتی کے لئے ان کوکوئی درخواست نہیں ملی جبکہ ریٹرننگ افسر سید ندیم حیدر کابھی یہی کہناتھا ان کوبھی اس سلسلے میں کوئی درخواست جمع نہیں کرائی گئی ہے ۔