اسلام آباد (نیوز ڈیسک)تحریک انصاف اور ایم کیو ایم کے درمیان ڈیل ہوگئی۔پارلیمنٹ کے باہر ڈائس پر شیخ رشید اور ایم کیوایم کی خاتون رہنما نسرین جلیل کے درمیان دلچسپ مکالمہ ہوا ،عمران خان دونوں کو دیکھ کر ہنستے رہے۔پیر کے روز پارلیمنٹ کے مشترکہ اجلاس کے بعد ڈائس پر موجود ایم کیو ایم کی رہنما نسرین جلیل میڈیا ٹاک کرنے کے لئے پہلے سے موجود تھیں اس دوران شیخ رشید اور چیئرمین تحریک انصاف عمران خان بھی میڈیاسے ٹاک کرنے کے لئے آگئے ۔اس دوران نسرین جلیل نے عمران خان اور شیخ رشید کو سلام کیا اور کہا کہ آپ لوگ لیٹ ہوگئے ہیں ۔ شیخ رشید نے نسرین جلیل سے درخواست کی کہ صرف2 منٹ عمران خان کو بات کرنے دیں ۔جس پر نسرین جلیل نے شیخ رشید سے شرط رکھی کہ عمران خان اپنا رویہ نرم رکھیں گے

مزید پڑھئے:بجلی بندش کے باعث تنگ بیوی اپنا سسرال چھوڑ کر میکے آ گئی

،شیخ رشید نے نسرین جلیل کی شرط قبول کرتے ہوئے کہا کہ آپ ہماری بہن ہیں اور ہم بہنوں کیلئے نرم رویہ رکھتے ہیں ۔جس پر نسرین جلیل نے اصرار کیا کہ صرف بہنوں کیلئے نہیں بلکہ سب کیلئے رویہ نرم رکھنا ہوگا ،اس اصرار پر شیخ رشید نے عمران خان کی جانب سے یقین دہانی کرائی کہ ہاں ہاں میری بہن عمران خان سب کیلئے رویہ نرم رکھیں گے جس کے بعد نسرین جلیل نے ڈائس چھوڑ دیا ۔اس دوران عمران خان دونوں رہنماﺅں کے درمیان اس مکالمے پر لطف و اندوز ہوتے رہے اور ہنستے رہے۔