کراچی(نیوز ڈیسک)متحدہ قومی موومنٹ کے قائد الطاف حسین کو پاکستانی تاریخ میں پہلی بار لائیو پروگرام میں صحافی نے شدید تنقید کا نشانہ بناتے ہوئے غدار اور بھتہ خور تک کا قرار دے ڈالا۔ الطاف حسین کو سنگین ترین الزامات اور القاب کا سامنا اے آر وائی کے پروگرام کھرا سچ میں سینئر صحافی و تجزیہ کار عارف حمید بھٹی کی جانب سے کرنا پڑا۔ مبشر لقمان کے ساتھ پروگرام میں الطاف حسین کو مخاطب کرتے ہوئے عارف حمید بھٹی کا کہنا تھا کہ تم قاتل غدار اور بھتہ خور ہو۔ ان کا کہنا تھا الطاف حسین تم لوگوں کو قتل کراتے ہو، تم اتنے بزدل ہو کہ اپنی زمین پر نہیں آتے،تم نے اپنی زندگی کے آخری دنوں میں کیا دھمکیاں دینا شرو کررکھی ہیں کیا تم بندے کھاتے ہو؟۔ ان کا مزید کہنا تھا کہ الطاف حسین اپنے لہجے کو کنٹرول کرو اور آئندہ ایسا لہجے میں بات نہ کرنا۔