اسلام آباد (نیوز ڈیسک)وفاقی وزیر اطلاعات ونشریات سینیٹر پرویز رشید نے کہا ہے کہ کراچی میں صرف جرائم پیشہ عناصرکےخلاف آپریشن ہورہا ہے ، میری گاڑی سے کوئی مجرم نکلے تو اس کےخلاف بھی قانون کے مطابق کارروائی ہونی چاہیے ،یمن میں پاکستانیوں کو جنگ زدہ علاقوں سے نکالنے کےلئے کوششیں جاری ہیں ،جلد پاکستانی امن والے علاقے میں پہنچ جائینگے ، سعودی عرب میں مقدس مقدمات ہیں ، سعودی کی سلامتی کا دفاع ہم سب کے فرائض میں شامل ہے ، کوئی خطرہ ہواتو بھرپور کر دار ادا کرینگے ۔ہفتہ کو یہاں میڈیا سے گفتگو کرتے ہوئے وفاقی وزیر اطلاعات و نشریات سینیٹر پرویز رشید نے کہاکہ اگر کوئی بھی کرمنل کسی سیاسی جماعت کے دفتر کو استعمال کرتا ہے کسی سیاسی جماعت کا پرچم لگا کر اپنی مجرمانہ کارروائیاں کرتا ہے تو اس کے خلاف ایکشن پر تمام سیاسی جماعتیں رضا مند ہیں ایم کیو ایم نے بھی اس ایکشن کی حمایت کی ہوئی ہے کراچی میں ہم صرف جرائم پیشہ عناصر کےخلاف کارروائیاں کررہے ہیں اگر کسی مجرم کا تعلق مسلم لیگ (ن)کے ساتھ کیوں نہ ہوں ؟ اس کے خلاف بھی قانون کے مطابق کارروائی ہونی چاہیے وزیر اطلاعات نے کہاکہ اگر کوئی کرمنل پرویز رشید کی گاڑی میں بیٹھے اس کو بھی پکڑا جانا چاہیے ، اس کو قانون کے حوالے کر نا چاہیے اور اسے اس کے گناہوں کی سزا ملنی چاہیے یمن کی صورتحال پر تبادلہ خیال کرتے ہوئے وزیر اطلاعات نے کہاکہ یمن میں انخلا کا عمل جاری ہے اور ہم پاکستانی بھائیوں کو جلد سے جلد جنگ زدہ علاقوں سے نکالنا چاہتے ہیں ہم کوئی دیر نہیں کرینگے جو موقع میسر ہوگا ہم پاکستانیوں کو جنگ زدہ علاقوں سے نکالیں گے وزیراطلاعات و نشریات نے کہاکہ سعودی عرب برادر اسلامی ملک ہے مقدس مقامات سعودی عرب میں ہیں کروڑوں لوگ عمرے کےلئے جاتے ہیں ہر سال لاکھوں لوگ حج کےلئے جمع ہوتے ہیں عبادت کےلئے جاتے ہیں اوراس ملک اور سلامتی کا دفاع کر نا ہم سب کے فرائض میں شامل ہے کوئی خطرہ ہوگا تو پاکستان بھرپورکر دار ادا کریں گے ایک سوا ل کے جواب میں پرویز رشید نے کہاکہ وزیر دفاع نے جو اسمبلی میں بیان دیا ہے وہی پاکستان کا موقف تھا ۔