واشنگٹن(نیوز ڈیسک) پاکستان اور امریکا رواں سال موسم خزاں میں مشترکہ فوجی مشقیں کریں گے۔پاکستان سمیت مشرق وسطی میں امریکی مفادات کا خیال رکھنے والی امریکی سینٹرل کمانڈ کا کہنا ہے کہ دونوں ملک 100 سے زائد مشترکہ مشقیں کرنے کا منصوبہ رکھتے ہیں۔اکتوبر میں شروع ہونے والی ان مشقوں میں فضا، زمینی، بحری اور سپیشل آپریشنز شامل ہوں گے۔دونوں ملکوں کے عسکری حکام انسداد دہشت گردی، سول۔ ملٹری تعاون اور انٹیلی جنس سمیت مختلف موضوعات پر سیمینارز اور دوسرے فورمز میں بھی شرکت کریں گے۔یاد رہے کہ رواں مہینے پاکستانی اور امریکی عسکری نمائندے مکڈل ایئر فورس بیس، فلوریڈا میں 24ویں پاک۔امریکا فوجی مشاورتی کمیٹی میں جمع ہوئے تھے۔