اسلام آباد(نیوز ڈیسک)متحدہ قومی موومنٹ نے جوڈیشل کمیشن کے قیام کی مخالفت کر دی۔وزیراعظم نواز شریف کی زیر صدارت پارلیمانی رہنماﺅں کا اجلاس ہواجس میں ایم کیوایم کے رہنما فاروق ستار کی سربراہی میں متحدہ کے وفد نے شرکت کی اور یگری جماعتوں کی جانب سے محمود خان اچکزئی ،حاصل بزنجو ،اعجاز الحق ا،اکرام درانی ،اعتزاز احسن،پرویز رشید ،عبدالقادر بلوچ اور پرویز رشید نے شرکت کی ۔اجلاس کے دوران پی ٹی آئی اور ن لیگ کے درمیان ہونے والے معاہدہ شرکاءکو پیش کیا گیاجس پر تمام سیاسی جماعتوں نے رضامندی کا اظہار کیا جبکہ ایم کیوایم کی جانب سے جوڈیشل کمیشن کے قیام مخالفت کی گئی۔

اس اجلاس کے بعد فاروق ستار نے میڈیا سے بات کرتے ہوئے کہا ہے کہ پارلیمانی جماعتوں کے اجلاس میں صرف ایم کیو ایم وہ واحد جماعت تھی جس نے جوڈیشل کمیشن بننے کی مخالفت کی ہے۔انہوں نے کہا کہ تمام سیاسی جماعتیں آئین کے تابع ہیں جبکہ آئین کی بالادستی قائم رہنی چاہیئے۔انہوں نے واضح کیا کہ آئین میں جوڈیشل کمیشن کی کوئی گنجائش نہیں ہے جبکہ عدالتی کمیشن بنانا آئین کے آرٹیکل225 اور 189 سے متصادم ہے جبکہ ایسا قانون پاس ہوا تو غالب امکان ہے کہ اسے کالعدم قرار دے دیا جائے۔