کراچی(نیوز ڈیسک)کاؤنٹر ٹیرارزم ڈپارٹمنٹ نے منگھوپیر سے کالعدم جماعت کے 3 دہشت گردوں کو گرفتار کرنے کا دعویٰ کیا ہے۔انچارج سی ٹی ڈی علی رضا کے مطابق پولیس نے کراچی کے علاقے منگھو پیر میں کارروائی کرکے 3 دہشت گردوں کو گرفتار کرلیا جن کا تعلق کالعدم جماعت سے۔ کاؤنٹرٹیرارزم ڈپارٹمنٹ کے انچارج کا کہنا تھا کہ دہشت گردوں کی شناخت احسان اللہ، ولی اللہ اور دوست محمد کے نام سے ہوئی جو پیر آباد میں پولیس موبائل پر حملے، حیدری مارکیٹ دھماکے میں ملوث ہیں جب کہ ملزمان نے پولیس اہلکار سمیت 3 افراد کے قتل کا بھی اعتراف کیا ہے۔پولیس کے مطابق ملزمان کیقبضے سے 2 بم، ایک ہینڈ گرینیڈ اور 3 ٹی ٹی پستول سمیت دیگر سامان بھی برآمد کیا گیا ہے جب کہ ملزمان کو مزید تفتیش کے لیے نامعلوم مقام پر منتقل کردیا گیا ہے۔