اسلام آباد(نیوز ڈیسک)سینیٹر رحمان ملک کا کہناہے کہ ان کے بھائی کا ماڈل ایان علی سے ملنے والے پیسے سے کوئی تعلق نہیں ہے یہ سب مجھے پھنسانے کیلئے کیا جا رہا ہے دو دن میں دودھ کا دودھ پانی کا پانی ہو جائے گا۔تفصیلات کے مطابق رحمان ملک کا کہنا تھا کہ چیلنج ہے کہ پیسے کے ساتھ ہمارا کوئی تعلق نہیں ہوگا اور جس نے یہ الزام میرے بھائی پر لگایا ہے اس کے خلاف 10ارب ہرجانے کادعوی دائر کیا ہے۔ان کاکہنا تھا کہ افغانستان سے دہشتگردی ہو رہی ہے جبکہ کراچی اور جنوبی پنجاب میں دہشتگرد موجود ہیں اس لیے یہاں آپریشن کرنا ہو گا اور پاکستان سے دہشتگردی کا مائنڈ سیٹ ختم کرنا ہوگا۔ان کا مزید کہناتھا کہ رینجرز پر حملہ کرنے والے ملک دشمن ہیں اورمیں ملک میں رول آف لاءچاہتاہوں۔رحمان ملک کا کہنا تھا کہ رضا ربانی کے چیئرمین سینیٹ منتخب ہونے کے بعد مجھے دھمکیاں دی گئی کچھ لوگ نہیں چاہتے کہ پاکستان ترقی کرے۔