کراچی (نیوز ڈیسک) رینجرز نے متحدہ قومی موومنٹ کے دومختلف دفاتر پر چھاپوں کے دوران ایم کیوایم کے سیکٹر انچار ج سمیت پانچ کارکنان کو حراست میں لے لیاگیاہے ۔  سیکیورٹی ذرائع کے مطابق رینجرز نے خفیہ اطلاع پر کورنگی سیکٹر میںایم کیوایم کے دفترپر چھاپہ مارا جس دوران وہاں موجود چار کارکنان کو حراست میں لے لیاگیا جن میں شکیل اور عابد شامل ہیں ۔ بتایاگیاہے کہ زیرحراست کارکنان کا تعلق کورنگی سیکٹر زمان ٹاﺅن سے ہے تاہم برآمدگی سے متعلق معلومات نہیں مل سکیں ۔ دوسری طرف نیوکراچی کے علاقے میں چھاپہ مارکارروائی کے ددوران رینجرز نے ایم کیوایم کے سیکٹر انچارج علی رضاکو حراست میں لے لیاہے ۔ دنیانیوز کے مطابق علی رضاکو گرفتارکرکے مزید تفتیش کے لیے نامعلوم مقام پر منتقل کردیاگیاہے ۔رینجرز ذرائع نے بتایاکہ ٹارگٹ کلنگ سے متعلق خفیہ معلومات کی بناءپر علی رضاسے پوچھ گچھ کی جائے گی ، اگر وہ ملوث پائے گئے تو قانونی کارروائی کریں گے ۔