کراچی(نیوز ڈیسک)وزیر اطلاعات سندھ شرجیل میمن نے کہا ہے کہ پیپلز پارٹی مقدمات میں مداخلت نہیں کرتی۔دہشت گردی کے خلاف وفاقی، صوبائی حکومتیں اور فوج ایک پیج پر ہیں۔کراچی میں لکی اسٹار کے قریب مادر جمہوریت انڈر پاس کی تعمیر کا افتتاح کرتے ہوئے شرجیل میمن نے کہا کہ انڈر پاس 51 کروڑ روپے کی لاگت سے بنایا جا رہا ہے۔ جس کی تعمیر چار ماہ میں مکمل کی جائے گی۔انھوں نے کہا کہ شارع فیصل کو سگنل فری کرنے کے لیے بھی اقدامات کیے جا رہے ہیں جبکہ مادر جمہوریت انڈر پاس کی تعمیر سے صدر، زینب مارکیٹ اور اطراف میں ٹریفک جام کا مسئلہ حل ہوجائے گا۔شرجیل میمن نے مزید کہا کہ شہید بینظیر بھٹو نے ایم کیو ایم سے اتحاد نہ کرنے کی کوئی بات نہیں کی۔پیپلز پارٹی ایم کیو ایم، تحریک انصاف سمیت ہر پارٹی سے بات کرنا چاہتی ہے۔