اسلام آباد(نیوز ڈیسک) لیپہ سے رشیاں جاتے ہوئے 20سے زائد افراد پر مشتمل قافلے پر برفانی تودہ گر گیا ، ایک سرگودھا کا تاجر جاں بحق ، چھ شدید زخمی ، نکال لئے گئے ،باقی افراد دب گئے ۔ تفصیلات کے مطابق گزشتہ رات لیپہ ٹنل سے بیس سے زائد افراد پر مشتمل قافلہ رشیاں کی جانب جارہا تھا کہ اچانک ہی قافلے پر برفانی تودہ گر گیا جس کے نتیجے میں قافلے میں شریک تمام لوگ تودے کے نیچے دب گئے جبکہ سرگودھا کا ایک تاجر موقع پر جاں بحق چھ افراد شدید زخمی ہوگئے جن کو ہسپتال شفٹ کردیا گیا ہے مگر ان کی حالت تشویشناک بتائی جاتی ہے باقی افراد کی تلاش شروع کردی گئی ہے مقامی افراد رات بھر ملبہ ہٹانے کی کوشش میں مصروف رہے سڑکیں بند ہونے کی وجہ سے ہیوی مشینری بھی موقع پر نہ پہنچ سکی دوسری جانب مقامی افراد سمیت ملبہ کے نیچے دب جانے والے افراد کے ورثاءنے شدید احتجاج کرتے ہوئے حکومت سے مطالبہ کیا ہے کہ وہ وادی لیپہ میں ٹیلی کارپٹرز سروس شروع کریں 80ہزار سے زائد افراد اس وقت محصور ہوکر رہ گئے ہیں جبکہ ان علاقوں میں اشیاءکی شدید قلت پائی جارہی ہے دریں اثناءجاں بحق تاجر کی میت سڑک بند ہونے کے باعث ہسپتال میں پڑی ہوئی ہے آخری اطلاعات تک ریسکیو آپریشن جاری تھا ۔