جمعرات‬‮ ، 22 مئی‬‮‬‮ 2025 

بنی گالہ میں دھرنے کے شرکاءکے عمران خان زندہ باد کے نعرے،مبارک ہو، قوم جاگ گئی: عمران خان

datetime 17  مارچ‬‮  2015
ہمارا واٹس ایپ چینل جوائن کریں

اسلام آباد(نیوز ڈیسک) پاکستان تحریک انصاف کے چیئرمین عمران خان نے اپنے گھر کے باہر احتجاجی دھرنادینے والے شرکاءکو مسائل حل کرنے کی یقین دہانی کراتے ہوئے کہاکہ اصل مسائل جون میں ہونیوالے بلدیاتی انتخابات کے بعد حل ہوں گے ، خوشی ہے کہ قوم اپنے حقوق کیلئے جاگ اُٹھی ہے لیکن اگلی مرتبہ اپنی زندگی آسان کرنے کے لیے صرف چار لوگ آجائیں اور اگر مسائل حل نہ ہوں تو پھر بے شک سارے صوبے کی عوام آجائے جس کے بعد شرکاءنے عمران خان زندہ باد کے نعرے لگاناشروع کردیئے ۔
دھرنے کے شرکاءسے خطاب کرتے ہوئے عمران خان نے کہاکہ آپ لوگ 12گھنٹے سے بنی گالہ موجود ہیں ، آپ یہاں آئے ہیں جس سے یہ ثابت ہوگیاکہ قوم جاگ گئی ہے ، آپ لوگوں کو مبارکباد ، اِسی لیے اگست میں دھرناشروع کیاتھاکہ قوم جاگے اور بھیڑبکریوں کی طرح نہ رہے ، وہ کہناچاہتے ہیں کہ آپ کے مسائل حل نہ ہوں تو اگلی مرتبہ زیادہ لوگ آنے کی بجائے صرف چار لوگ آجائیں ، مسئلہ حل نہ ہوتو پھر سب آجائیں ، وہ یقین دلاتے ہیں کہ مطالبات جائز ہوئے تو نمٹادیں گے لیکن اگر جائز نہ ہوئے تو جتنے لوگ مرضی لے آئیں کیونکہ وہ حکومت نہیں چلارہے ، اُن کا کام انصاف دیناہے اور وہ آپ کو ملے گا۔
عمران خان نے شرکاءکو بتایاکہ وہ وزیراعلیٰ خیبرپختونخواہ کو پہلے ہی کہہ چکے ہیں کہ آپ لوگوں کے نمائندوں سے ایک میٹنگ کرناچاہتےہ یں جس میں دوماہرین بھی بٹھائیں گے کہ رائلٹی کی مدمیں ملنے والے اڑھائی ارب روپے کہاں خرچ ہوں ؟اگر بلدیاتی انتخابات ہوچکے ہوتے توآپ لوگوں کو بنی گالاآنے کی زحمت نہ اُٹھانا پڑتی ، وہ خود فیصلہ کرتے کہ پیسہ کہاں خرچ کرناہے ، پیسے خرچ کرناصوبائی یا وفاقی اسمبلی کے رکن کا کام نہیں ۔
عمران خان نے کہاکہ جہاں تک وہ سمجھے ہیں کرک کے لوگوں کے بنیادی مسائل پینے کا پانی ، یونیورسٹی اور گیس کے قانونی کنکشن ہیں ، ہفتے کو ایک میٹنگ ہوگی اوراِس میں آپ لوگ اپنے چارنمائندے بھیجیں ، پیسہ لگانیوالی کمیٹی کے نمائندے بھی موجود ہوگی جہاں سب کے سامنے بات ہوگی اور وہ یقین دلاتے ہیں کہ جائز مسائل حل کریں گے ، گیس چوری کرنیوالے لوگوں کو بھی پکڑیں گے ۔
پی ٹی آئی چیئرمین نے بتایاکہ دبئی میں سرمایہ کاری کانفرنس میں ایک سرمایہ کارملاجوریفائنری کیلئے پیسہ لگاناچاہتاہے اور وہ خیبرپختونخواہ کے عوام کو جلد خوشخبری سنائیں گے ۔
عمران خان کے خطاب کے خاتمے کے ساتھ ہی دھرنے میں شریک لوگوں نے عمران خان اور تحریک انصاف کے حق میں نعرہ بازی شروع کردی اور ہنسی خوشی معاملات نمٹ گئے ۔

آج کی سب سے زیادہ پڑھی جانے والی خبریں


کالم



کم عمری کی شادی پر پابندی کا بل واپس نہ لیا گیا تو سڑکوں پر آئیں گے، فضل الرحمن


اسلام آباد (این این آئی)جمعیت علما اسلام کے سربراہ…

غزوہ ہند

بھارت نریندر مودی کے تکبر کی بہت سزا بھگت رہا…

10مئی2025ء

فرانس کا رافیل طیارہ ساڑھے چار جنریشن فائیٹر…

7مئی 2025ء

پہلگام واقعے کے بارے میں دو مفروضے ہیں‘ ایک پاکستان…

27ستمبر 2025ء

پاکستان نے 10 مئی 2025ء کو عسکری تاریخ میں نیا ریکارڈ…

وہ بارہ روپے

ہم وہاں تین لوگ تھے‘ ہم میں سے ایک سینئر بیورو…

محترم چور صاحب عیش کرو

آج سے دو ماہ قبل تین مارچ کوہمارے سکول میں چوری…

شاید شرم آ جائے

ڈاکٹرکارو شیما (Kaoru Shima) کا تعلق ہیرو شیما سے تھا‘…

22 اپریل 2025ء

پہلگام مقبوضہ کشمیر کے ضلع اننت ناگ کا چھوٹا…

27فروری 2019ء

یہ 14 فروری 2019ء کی بات ہے‘ مقبوضہ کشمیر کے ضلع…

قوم کو وژن چاہیے

بادشاہ کے پاس صرف تین اثاثے بچے تھے‘ چار حصوں…