کراچی (نیوز ڈیسک)محکمہ داخلہ نے ایئرپورٹ حملہ کیس کو جیل منتقل کردیا ہے، اس سلسلے میں جیل حکام نے عدالت کو تحریری طور پر ا گاہ کردیا ہے۔جیل حکام نے انسداد دہشت گردی کی خصوصی عدالت کے جج بشیر احمد کھوسو کی عدالت میں تحریری طور پر ا گاہ کیا کہ وزارت داخلہ نے ایئر پورٹ حملہ کیس کو حساس قرار دیتے ہوئے مقدمے کی سماعت جیل میں منتقل کرنے کی ہدایت کی ہے۔ پیر کو فاضل عدالت نے جیل میں جاکر مقدمے کی سماعت کی۔ اس موقع پر فاضل عدالت نے استغاثہ کے گواہوں اور وکیل صفائی کوا?ئندہ سماعت 24مارچ کو حاضری یقنی بنانے کی ہدایت کی ہے۔