اسلام آباد(نیوز ڈیسک)پنجاب انسٹی ٹیوٹ آف کارڈیالوجی میں عورتوں اور مردوں کے ایکو ٹیسٹ کرانے کیلئے صرف مرد سٹاف تعینات ۔خواتین کو شدید مشکلات کا سامنا۔تفصیلات کے مطابق لاہور کے پنجاب انسٹی ٹیوٹ آف کارڈیالوجی میں ایکو ٹیسٹ کرانے کیلئے صرف مرد سٹاف تعینات ہے جس کی وجہ سے یہاں آنے والی خواتین کو شدید مشکلات کا سامنا کرنا پڑ رہا ہے ۔یہاں آنے والی خواتین نے کہا کہ وفاقی حکومت اور بالخصوص پنجاب حکومت جو کہ اپنے وزراء اور مشیروں کی فوج پر اور ان کے بیرونی خرچوں پر قومی خزانے سے کروڑوں کے اخراجات کرتی ہے وہاں پر PIC میں کم از کم لیڈیز کیلئے الگ سٹاف تعینات ہی کر لیں۔