اسلام آباد(نیوز ڈیسک)وزیراعظم نواز شریف کاکہناہے کہ لاہور کے گرجا گھروں پر حملہ کرکے دہشتگردوں نے پاکستان پر حملہ کیا ہے مسیحی برادری نے پاکستان کیلئے بیش بہا قربانیاں دیں ہیں۔تفصیلات کے مطابق آج یوحنا آباد میں دو گرجا گھروں کے باہردھماکہ ہوا تھا جس میں 15افراد جاں بحق جبکہ 70افرادزخمی ہوئے تھے۔اس دھماکے پر افسوس کا اظہار کر تے ہوئے وزیر اعظم نواز شریف کا کہنا تھا کہ مسیحی برادری پر حملہ پاکستان پر حملہ ہے ملک سے دہشتگردی کا خاتمہ کرنا ہماری اولین ترجیح ہے۔سینیٹر اور وزیر پور ٹ و شپنگ کامران مائیکل کاکہنا تھا کہ دہشتگردی کی آج کی کاروائی پر بہت افسوس ہواملک سے دہشتگردی کا خاتمہ ہونا چاہیے۔ان کامزید کہنا تھا کہ احتجاج پر امن ہونا چاہیےاور لوگوں کو پر تشدد کاروائیوں سے گریز کرنا چاہیے۔کامران مائیکل کاکہنا تھا کہ پاکستان میں تمام مذاہب دہشتگردی کے خلاف متحد ہیں اورقوم دہشتگردوں کا مقابلہ دلیری سے کر رہی ہے۔