ہرنائی /بولان (نیوز ڈیسک)بلوچستان کے مختلف علاقوں میں طوفانی بارشوں نے تباہی مچادی ہے، متاثرہ علاقوں میں امدادی کارروائیوں کیلئے صوبائی حکومت نے فوج سے مدد طلب کرلی ۔بلوچستان میں گذشتہ دوروز سے جاری طوفانی بارشوں کے باعث ہرنائی، بولان اور سبی کے مختلف علاقوں میں سیلابی صورتحال پیدا ہوگئی ہے۔ ضلع ہرنائی کے پانچ شاہراہیں سیلابی ریلے میں بہہ جانے سے ہرنائی کا بلوچستان کے دیگر علاقوں سے رابطہ منقطع ہوگیا ہے۔ اس ساری صورتحال سے نمٹنے کے لئے صوبائی حکومت نے فوج سے مدد طلب کر لی ہے۔ جبکہ فوج کی طرف سے مختلف علاقوں میں ریسکیو آپریشن شروع کر دیا ہے۔