اسلام آ باد(نیوز ڈیسک)وزیردفاع خواجہ آصف کا کہنا ہے کہ چند روز قبل ایم کیو ایم مارشل لا کو دعوت دے رہی تھی‘ میڈیا سے گفتفگو کرتے ہوئے ان کا کہنا تھا کہ پاک فوج اور رینجرز ملکی بقا کی جنگ لڑ رہی ہیں‘ ہمیں اس وقت ان کا ساتھ دینا چاہیے‘ ان کا مزید کہنا تھا کہ کراچی میں امن کے بغیر پاکستان میں امن ممکن نہیں کراچی پاکستان کی اقتصادی شہ رگ ہے کراچی کو ہر صورت بچائیں گے اور آپریشن بلا تفریق جاری رہے گا‘ کسی جماعت کو دہشتگردی کرنے کی اجازت نہیں دیں گے‘ دہشت گردی کے خاتمے کے لیے ہر سیاسی جماعت کو فوج کا ساتھ دینا ہو گا‘ یہ جنگ ہمیں جیتنا ہو گی کراچی میں قیام امن کی صورتحال ہر صورت پر بحال کریں گے‘