کوئٹہ:سزائے موت کے ملز م صولت مرزا کو سزائے موت دینے کیلئے جلاد کوئٹہ جیل سے مچھ جیل پہنچ گیا۔تفصیلات کے مطابق صولت مرزا کو پھانسی دینے کیلئے مچھ جیل میں تیاریاں جاری ہیں جبکہ پھانسی دینے والا جلاد بھی پھانسی دینے کیلئے کوئٹہ سے مچھ جیل پہنچ گیاہے۔ذرائع کا کہناہے کہ صولت مرزا کو بھانسی سے قبل پہنایا جانے والا مخصوص لباس بھی زیب تن کروا دیا گیاہے اور جیل کی سیکیورٹی بھی سخت کر دی گئی ہے۔جیل فورس کے علاو ہ پولیس اہلکارو ں کو بھی جیل کی سیکیورٹی پرتعینا ت کیا گیاہے جبکہ ایف سی کی جانب سے جیل کے اطراف گشت میں بھی اضافہ کر دیا ہے۔صولت مرزا کو پھانسی 19مارچ کو دی جائے گی اور واضح رہے کہ عدالت نے صولت مرزا کو شاہد حامد قتل کیس میں سزائے موت سنائی تھی۔