نیویارک (نیوز ڈیسک) نوبل انعام یافتہ ملالہ کے بعد سوات کی خاتون تبسم عدنان نے عالمی حوصلہ مند خاتون کا ایوارڈ اپنے نام کرلیا.اقوام متحدہ سے جاری پریس ریلیز کے مطابق سوات کی ایک اورخاتون تبسم عدنان کو اقوام متحدہ کی جانب سے عالمی حوصلہ مند خاتون کا ایوارڈ دیا گیاہے۔ تبسم عدنان نے سوات میں خواتین کے حقوق اور انہیں درپیش مسائل پر نہ صرف اپنی اواز اٹھائی بلکہ انہوں نے ‘‘خوینڈو جرگے’’ کی بھی بنیاد ڈالی جس کا مقصد خواتین کے مسائل کو حل کرنا اورایسی مہمات کو چلانا ہیجن سے خواتین کو اپنی حفاظت کے حوالے سے اگاہی مل سکے۔تبسم عدنان کی جدوجہد کو دیکھتے ہوئے اقوام متحدہ نے انہیں ’’ حوصلہ مند خاتون’’ کے عالمی ایوارڈ سے نوازا جب کہ حوصلہ مند خاتون کا عالمی ایوارڈ اب تک دنیا بھر کے 50 ممالک میں 86 سرگرم خواتین کو دیا جا چکا ہے جنہوں نے امن، انصاف، انسانی حقوق، خواتین کے اختیارات اور صنفی برابری پر بڑھ چڑھ کر کام کیا ہے۔