اسلام آباد(نیوز ڈیسک) پاکستان تحریک انصاف کے باغی رکن خیبرپختونخوا اسمبلی جاوید نسیم نے پی ٹی آئی اراکین اسمبلی کی کرپشن بے نقاب کرنے کا اعلان کر دیا ہے۔ انھوں نے کہا کہ خیبرپختونخوا میں اب بھی وہی پٹواری کلچراور وہی پولیس ہے، پی ٹی آئی چیئرمین کو تبدیلی کے نام پر دھوکا دیا جا رہا ہے، اس کھیل میں پشاور اور اسلام آباد میں عمران خان کے اردگرد رہنے والے پارٹی کے لوگ ملوث ہیں۔ جاوید نسیم کے بقول ان کے گھر پر فائرنگ اور والدہ کی تذلیل کی گئی۔ واقعے کی ایف آئی آر کاٹنے کے بجائے الٹا ان کے خلاف مقدمہ درج کر دیا گیا، انھوں نے آرمی چیف اور چیف جسٹس سے واقعے کا نوٹس لینے اور سیکیورٹی فراہم کرنے کی اپیل بھی کی۔