اسلام آباد(نیوز ڈیسک) پیپلزپارٹی کے راہنماءسینیٹر رحمن ملک نے کہا ہے کہ حکومت کو چاہئے کہ بائیسویں آئینی ترمیم کیلئے اسمبلی میں بل لے کر آئے اس کے بعد ہی کوئی فیصلہ ہوگا‘ ایسی ترمیم بھی آنی چاہئے جس میں وفاداریاں بدلنے کیلئے بھی قانون واضح ہو۔ منگل کے روز پارلیمنٹ ہاﺅس کے باہر میڈیا سے گفتگو کرتے ہوئے انہوں نے کہا کہ ہارس ٹریڈنگ ہورہی ہے مگر میرے پاس کوئی ثبوت نہیں ہیں اور میں بھی ہارس ٹریڈنگ کی باتیں سن رہا ہوں۔ انہوں نے کہا کہ میں ہارس ٹریڈنگ کی مذمت کرتا ہوں اور سینٹ انتخابات صاف اور شفاف ہونے چاہئیں۔ انہوں نے کہا کہ بعض لوگ ہارس ٹریڈنگ کیلئے زبانی کلامی آفر کررہے ہیں جس کا مقصد سینٹ کے انتخابات کو خراب کرنا ہے اس پر حکومت کو نوٹس لینا چاہئے۔ انہوں نے کہا کہ آصف زرداری اور عمران خان کے دوران جو بات ہوئی وہ کے پی کے کے سینٹ کے انتخاب کے حوالے سے ہوئی تھی جو مثبت رہی۔ انہوں نے کہا کہ 5 مارچ کو سینٹ انتخابات کی پوزیشن واضح ہوجائے گی۔
حکومت بائیسویں آئینی ترمیم کیلئے اسمبلی میں بل لا ئے، رحمن ملک
3
مارچ 2015
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں