اسلام آباد (نیوز ڈیسک ) وزیراعظم نواز شریف نے حالیہ بارشوں سے ہونے والے جانی ومالی نقصان پر گہرے دکھ اور افسوس کا اظہار کرتے ہوئے ملک بھر میں متعلقہ حکام کو ہدایت کی ہے کہ بارش سے متاثرہ لوگوں کو فوری امداد فراہم کی جائے۔ منگل کو وزیراعظم ہاﺅس کے ترجمان کے مطابق وزیراعظم نے صوبائی حکومتوں کو بھی ہدایت کی کہ بارشوں سے ہونے والے نقصان سے بچنے کے لئے پیشگی اقدامات کریں۔ وزیراعظم نے کہا کہ جہاں ضرورت ہو متاثرین کو فوری امداد بہم پہنچائی جائے ۔ وزیراعظم نواز شریف نے محکمہ صحت کو متاثرہ علاقوں میں ہنگامی امداد کےلئے تیار رہنے کی ہدایت کرتے ہوئے صوبائی حکومتوں کو ہدایت کی ہے کہ نقصانات سے بچنے کےلئے پیشگی اقدامات کیے جائیں ۔