تہران(این این آئی)امریکی صدر ڈونلڈ ٹرمپ کے آبنائے ہرمز کی ناکابندی کے بیان پر ایرانی پارلیمنٹ کے اسپیکر محمد باقر قالیباف نے
طنز کرتے ہوئے کہا کہ نام نہاد ناکہ بندی کے بعد جلد ہی آپ 4 سے 5 ڈالر والے پیٹرول کو یاد کیا کریں گے۔غیرملکی خبررساں ادارے کے مطابق پیر کو جاری کئے گئے ایک بیان میں انہوں نے ٹرمپ کو خبردار کرتے ہوئے کہا کہ ایران کے عزم کو دوبارہ آزمانے کی کوشش نہ کرو، کسی بھی غلطی کا پہلے سے بڑا سبق سکھائیں گے۔محمد باقر قالیباف نے مزید کہا کہ صدر ٹرمپ کی دھمکیاں ایرانی عوام پر اثر انداز نہیں ہوتیں، اگر آپ جنگ کریں گے، ہم بھی جنگ کریں۔ اگر آپ منطق کے ساتھ آگے آئیں گے تو ہم بھی منطق کے ساتھ بات کریں گے۔
ایرانی وفد نے کہا کہ ہم نے ایران کی نیک نیتی ظاہر کرنے کے لیے بہت اچھے اقدامات کیے، ان اقدامات کے نتیجے میں مذاکرات میں پیش رفت ہوئی۔
