اسلام آباد (این این آئی)ایشیائی ترقیاتی بینک سے ملنے والی 30لاکھ ڈالرگرانٹ کے غلط استعمال کا انکشاف ہوا ہے۔منگل کو پی اے سی کا اجلاس چیئرمین جنید اکبرکی زیرصدارت منعقد ہوا جس میںپی اے سی میں این ڈی ایم اے آڈٹ رپورٹ 2023-24ء کا جائزہ لیا گیا۔ آڈٹ حکام کے مطابق این ڈی ایم اے نے مالی گرانٹ ترکیہ اور شام کے زلزلہ متاثرین پر خرچ کردی،ایڈی بی کی فراہم کردہ فنڈزسے خیمے،کمبل خرید کر ترکیہ اور شام بھجوا دیئے،اے ڈی بی نے یہ فنڈز پاکستان کے سیلاب متاثرین کیلئے دیئے تھے،پی اے سی ارکان نے این ڈی ایم اے کی کارکردگی پر سوال اٹھا دیئے۔

رکن کمیٹی ثنا اللہ مستی خیل اور عمرایوب نے کہا ہم حاتم طائی اور دنیا کے مامے بنے ہوئے ہیں، ساری خیرات ہم نے ہی بانٹنی ہے،انہوں نے کہااے ڈی بی بورڈ میں بیٹھے افراد اسے سیدھا خرد برد کے کھاتے میں ڈالتے ہیں، دیگر ملکوں کے لوگ پھر پاکستان پر ٹوٹ پڑتے ہیں،اقتصادی امور کا وزیر رہ چکا ہوں پاکستان بیرونی گرانٹس پر سروس چارجز ادا کرتا ہے،اقتصادی امور ڈویژن کو بلا کرمعاہدے کی خلاف ورزی کیذمہ داروں کا تعین کیا جائے۔آڈٹ حکام نے کہا اے ڈی بی حکام نے پاکستان کو خط لکھ کر اس حوالے سے وضاحت مانگی ہے،پی اے سی نے معاملے پر ایک ماہ میں رپورٹ طلب کر لی۔