نئی دہلی(این این آئی)بھارتی سابق وزیراعظم منموہن سنگھ 92سال کی عمر میں چل بسے۔منموہن سنگھ کی طبعیت خراب ہونے کے بعد انہیں دہلی میں آل انڈیا انسٹیٹیوٹ آف میڈیکل سائنسز (ایمس)ہسپتال منتقل کیا گیا تھاجہاں وہ دوران علان چل بسے۔
ڈاکٹر منموہن سنگھ جو ایک بڑے معاشی و اقتصادی ماہرکے طورپر جانے جاتے تھے اور انہوںنے اپنے دور اقتدار میں بھارت کومعاشی طورپرمستحکم کرنے کیلئے اہم اصلاحات کیں وہ مسلسل دو بار بھارت کے وزیر اعظم رہے اور انہیں پارٹی کے سربراہ سونیاگاندھی کی مکمل حمایت اور سرپرستی حاصل تھی۔ انہوں نے 2004سے 2014تک ملک کی باگ ڈور سنبھالی تھی۔ممنموہن سنگھ وزیراعظم بننے سے پہلے بھارت کے وزیر خزانہ اور فنانس سیکریٹری بھی رہ چکے ہیں۔
