لاہور( این این آئی)لاہور پولیس نے پی ٹی آئی کارکنوں کی گرفتاری کیلئے 500 کی فہرست مرتب کر لی ۔لاہور پولیس 150 کارکنوں کو حراست میں لے چکی ہے ،کارکنوں کو لاہور سمیت دیگر اضلاع میں درج مقدمات میں حراست میں لیا گیا۔
متحرک کارکنوں کی گرفتاری کیلئے آپریشنز ، انویسٹی گیشن اور او سی یو کی ٹیمیں تشکیل دے دی گئیں ۔ پولیس حکام کے مطابق امن و امان خراب کرنے والوں کی نظر بندی کے آرڈر بھی کیے جا رہے ہیں، ڈیٹینشن آرڈر پر گرفتار ہونے والوں کو 90 روز تک جیل میں رکھا جائے گا۔
