اسلام آباد (این این آئی)رجسٹرار اسلام آباد ہائی کورٹ نے بانی پی ٹی آئی کی ممکنہ ملٹری ٹرائل روکنے کیلئے دائر درخواست پر اعتراضات اٹھا دیئے ۔تفصیلات کے مطابق رجسٹرار اسلام آباد ہائی کورٹ نے بانی پی ٹی آئی کی جانب سے ممکنہ ملٹری ٹرائل روکنے کیلئے دائر درخواست پر اعتراضات اٹھا تے ہوئے کہا ہے کہ کسی مخصوص ایف آئی آر کا حوالہ دیے بغیر عمومی ریلیف کیسے مانگا جا سکتا ہے؟، درخواست کے ساتھ کوئی آرڈر یا دستاویز نہیں لگائی گئی،
پنجاب کے مقدمات پر اسلام آباد ہائی کورٹ میں درخواست کیسے دائر ہو سکتی ہے؟۔رجسٹرار آفس نے یہ اعتراض بھی عائد کیا ہے کہ ملٹری کورٹس کا معاملہ سپریم کورٹ میں زیرِ التوا ہوتے ہوئے ہائی کورٹ میں درخواست کیسے دائر ہو سکتی ہے؟۔
