اسلام آباد (مانیٹرنگ ڈیسک )اسلام آباد ہائیکورٹ نے خاتون جج کو دھمکی دینے سے متعلق توہین عدالت کے کیس میں چیئرمین پی ٹی آئی عمران خان کو 7 دن میں دوبارہ تحریری جواب جمع کرانے کا حکم دے دیا۔

اس حوالے سے پاکستان مسلم لیگ ن کی سینئر نائب صدر مریم نواز نے ردعمل دیتے ہوئے کہا ہے کہ ’’اصل میں توہین کی سزا جج زیبا صاحبہ کو ہونی چاہیے ۔ سماجی رابطے کی ویب سائٹ ٹویٹر پر مریم نواز نے کہا ہے کہ ’’اصل میں توہین کی سزا جج زیبا صاحبہ کو ہونی چاہیے جنھوں نے انصاف کر کے عمران خان کی شان میں گستاخی کی تھی۔مریم نواز کا کہنا تھا کہ عمران خان کو فراہم کردہ ڈھیل اور سہولیات سے اور کچھ ثابت ہو نا ہو نواز شریف اور مسلم لیگ ن سے ہونیوالی ناانصافیاں اور زیادتیاں ایک بار پھر پوری قوم کے سامنے عیاں ہو گئیں،ترازو سیدھا نہیں ہو سکا۔